কবিৰ চমু পৰিচয়:
কবিৰ জন্ম ১৯৯৬ চনৰ ১৩ মাৰ্চত ফাগুনৰ ৬ তাৰিখে ধেমাজি জিলাৰ নিলখ পূৰ গাওঁত। কবিৰ পিতৃ স্বৰ্গীয় দিলীপ চেতিয়া আৰু মাতৃদ্বয়ৰ নাম মুহিলা চেতিয়া আৰু মণি চেতিয়া। ২০১২ চনত নিলখ উচ্চ মাধ্যমিক বিদ্যালয়ৰ পৰা হাইস্কুল প্রবেশিক্ষা পৰীক্ষাত অসমীয়া, সমাজ বিজ্ঞান বিষয়ত লেটাৰ সহ প্ৰথম বিভাগত উত্তীর্ণ হৈ মৰিঢল মহাবিদ্যালয়ৰ পৰা বিজ্ঞান শাখাত হায়াৰ ছেকেণ্ডাৰী পৰীক্ষাত দ্বিতীয় বিভাগত উত্তীর্ণ হয়। পাছত আর্থিক অৱস্থা শোচনীয় হোৱা বাবে ডিব্ৰুগড়ৰ বিশ্ববিদ্যালয়ৰ পৰা DODL ৰ অধীনত সমাজতত্ত্ব বিভাগৰ পৰা প্ৰথম বিভাগত স্নাতক ডিগ্রী লাভ কৰে। কবিয়ে কলেজীয়া দিনৰে পৰা সামাজিক মাধ্যম ফেচবুকৰ জনপ্রিয় বিভিন্ন সাহিত্য চৰ্চাৰ গোট, জনপ্ৰিয় আলোচনী ৰহস্য,মায়া,বিস্ময়,অসম বাণী,ৰামধেনু অসম, ৰণাংগণ,হৃদয়,বৰ্ণিল অসম, জাপি, জোনাকী পষেকীয়া ই আলোচনী, সাপ্তাহিক অনুৰাগিণী, দৈনিক-সপ্তাহিক যেনে-দৈনন্দিন বাৰ্তা, গণ অধিকাৰ,নিয়মীয়া বাৰ্তা,সাপ্তাহিক নামনি অসম, নতুন স্বদেশ,গণ বাৰ্তা, সাপ্তাহিক জানেলিষ্ট বাতৰি কাকত আৰু অন্যান্য মাহেকীয়া বার্তালোচনীত নিয়মিতভাৱে কবিতা, গল্প, প্রবন্ধ, স্তৱক আৰু অণুগল্প লেখা মেলা কৰি আহিছে। বৰ্তমান কবিৰ সম্পাদনাত জোনাকী নামেৰে এখন সপ্তাহিক ই আলোচনী (পাছলৈ পষেকীয়া) ধেমাজিৰ পৰা নিয়মিত ভাৱে প্ৰকাশ পাই আহিছে। লেখকে গ্ৰন্থবৰ্ষ ২০২৫ বর্ষৰ অসম চৰকাৰ আৰু অসম প্ৰকাশন পৰিষদৰ তৰফৰ পৰা যুৱ লেখক সন্মান ২০২৫ বঁটা লাভ কৰিছে।লেখকৰ প্ৰথম খন কাব্য গ্ৰন্থ "মায়াবিনী আউসীৰ এটি জোনাকী" ২০২৫ চনত নগাঁও জিলাৰ আনন্দ প্ৰকাশৰ পৰা প্ৰকাশিত হৈছে। দ্বিতীয় খন কাব্য সংকলন-দীঘলী পুখুৰীৰ কান্দোন (2026)প্ৰকাশৰ পথত।
