আহিন অহাৰ বাটত-এছ, ইছলাম
বৰ্ষাৰ অন্তত
আহিন অহাৰ বাটত
আলি পদুলিবোৰ
ঘাঁহনিৰে আৱৰা হ'ব
বোকাপানী আঁতৰি যাব
কৃষকে খেতিৰ বাবে
মাটি ডৰা ভালকৈ চহাব।
পথাৰখন ঠন ধৰি উঠিব
গছে গছে নতুন নতুন
কুঁহিপাত মেলিব
আহিন অহাৰ বাটত
সুগন্ধি ফুল বোৰ ফুলিব
পখিলাই উৰি উৰি ফুলে ফুলে পৰিব
ফুলৰ মৌ পান কৰিব।
আহিন অহাৰ বাটত
গাঁৱলীয়া জন সমাজত
ডেকা-গাভৰুৰ মন উতলা হ'ব
কঁহুৱা ফুল নদীৰ পাৰত
হালি-জালি নাচিব বলিয়া বতাহত
পদুম ফুল ফুলিব বিলত
উতলা যৌৱনে আমনি দিব।
এছ, ইছলাম, বৰপেটা
No comments:
Post a Comment