ড্ৰাগছ-এক বৰবিহ
অদম্য চালিকা শক্তি- এই যুৱ সমাজ
দেশৰ ধৰণী-বান্ধে প্ৰগতিৰ পাগ্
বাহুত অসীম বল মনত প্ৰেমৰ ঢল
ঘূণে ধৰিলে দেশৰ হবই নগ্ন সাজ,
ভোগত উটি গৈ নিচাত হ'লে আসক্ত
জীৱনৰ ইতিবৃত্ত ড্ৰাগছে কৰে সমাপ্ত !
বিশ্ব বজাৰত এই বৰবিহ সহজ লভ্য
সেৱনৰ ফল ক্ষতিকাৰক মাৰাত্মক,
তিলেই তাল হৈ ৰূপ লয় গুপ্ত ঘাতক
দূৰাৰোগ্য ব্যাধিৰ বীজাণুৰ ঘাই বাহক
মৃত্যু অচিনাক্ত ড্ৰাগছৰ হ'লে অন্ধভক্ত
সমাজৰ বাবে তিক্ত-নিচা জাতীয় দ্ৰব্য !
সমাজনীতি অৰ্থনীতিত পৰে কুপ্ৰভাৱ
অসুস্থ চিন্তাৰ বিষময় পৰিণাম,
মানসিক পতনত বাঢ়ে আত্মহত্যাৰ ভাব
হতাশাত হেৰুৱায় জীৱন সংগ্ৰাম ;
উদাসীন অসংযত চলন-ব্যক্তি স্বভাৱ
আভোক অনিদ্ৰা উপসৰ্গত শূন্য বিবেক!
কৰ্মহীনতাই কঢ়িয়ায় মনলৈ বদঅভ্যাস
সৃষ্টিশীলতা স্তব্ধ-আত্মপক্ষত ক্ষুব্ধ,
হাড়ত বন গজে,ড্ৰাগছৰ হয় ক্ৰীতদাস
যৌৱন বন্ধকত বৈৰাগ্যত হয় আৱদ্ধ,
সুপথ সততাৰে সমাজ আৰু চৰকাৰে
ড্ৰাগছ-সমূলঞ্চে ধ্বংস কৰা উচিত,
তেহে বিহৰ পৰা মুক্ত হ'ব দেশৰ ভৱিষ্যৎ !
_______________________________
আমিৰ হুছেইন আহমেদ
No comments:
Post a Comment