আকাশ চুই উৰিবৰ মন
এই যে আকাশ চুবৰ দুৰ্বাৰ বাসনা জাগে
সচাঁকৈ আকাশ জানো চুব পৰা যায়?
এই যে চৰাই হৈ উৰিব মন দূৰ দূৰণিত
উৰিব পৰাকৈ আছে জানো সহজ উপায় ?
এয়া যে সকলো মিছা মৰীচিকা
তুমি জনা মইও জানো,
নেদেখি নুবুজি মোহৰ জালত পৰি
হৃদয়ত জ্বলাই জুই
চগা হৈ মৰো পুৰি ।
আকাশ চুবৰ বাসনা,
উৰি যোৱাৰ আশা
সপোনতে জাগি উঠে
সপোনতে সমাধি পাতে ,
আকাশ যে চুব পৰা নাযায়
উৰিব পৰা নাযায় দূৰ দূৰণিত
সকলো জানি আজি
মই নিশ্চুপ পথৰ পথিক ।
✍️ মাৰ্জিনা বেগম
No comments:
Post a Comment