হৃদয়ৰ ৰং
✍️ ৰাজ ৰাহুল
ইমান সহজ যে নহয়
কাৰোবাৰ হৃদয়খন পঢ়িবলৈ,
হয়তো জটিল কামটোৱেই হ'ল
মনৰ ভাষা অধ্যয়ণ কৰা।
সকলোকে বুজিব পৰা হ'লে
গোপনীয়তা বুলি একোৱেই নাথাকিলেহেঁতেন --!
সকলো অভিনেতা-অভিনেত্ৰী---
জীৱন নাটৰ।
কোনোবাই তোমাক হঁহুৱাবলৈকে হাঁহিব পাৰে,
আন কোনোবাই তোমাক কন্দোৱাবলৈকে
কান্দি দেখুৱাব পাৰে।
পৰিস্থিতিসাপেক্ষ আচৰণেৰেই
সকলোৱে সময় পাৰ কৰে।
তেনেহ'লে কেনেকৈ চিনিবা
হৃদয়ৰ ৰং ---
য'ত থাকে মাথোঁ গোপনীয়তা ...।
No comments:
Post a Comment