🔷প্ৰেমৰ পখিলী
✍️লক্ষীন্দ্ৰ জুমন গগৈ
হেৰৌ মোৰ প্ৰেমৰ পখিলী
ভালে আছা নে তুমি ?
তোমাৰ সৈতে বাৰ্তালাপৰ সুবাস লভা
আজি বহুদিনেই হ'ল ।
বৰকৈ মনত পৰে মোৰ
জানানে তুমি ?
তোমাৰো হয়তো নপৰা নহয়
নিশ্চয় পৰে, মোৰ বিশ্বাস আছে ।
কিন্তু তুমি জানো সন্দেহৰ টোপোলাটি
এৰিব পাৰিছা ?
তোমাৰ অনুপস্থিতিত মোৰ হিয়া উচুপি উঠে,
কিন্তু কি কৰিম !
তোমাৰ সন্দেহবাদী মনটো দেখোন
সলনি হ'বই নোখোজে ।
বাৰ্তালাপৰ বিৰতিৰ বাবে
তুমি নাভাবিবা প্ৰিয়ে
মোৰ ৰিক্ত হৃদয়ৰ কেঁচা মৰমবোৰ
আনৰ হ'ল বুলি ।
এই কবিৰ প্ৰতিটোপাল তেজত
কেৱল তোমাৰেই চিনাকি ।
মৰমবোৰো ঠিক একেই
তুমি নামৰ পখিলাটিকহে
সাৱটিব খোজে ।
দুষ্ট চকুযুৰিও সুন্দৰীৰ আগত
অন্ধ হৈ পৰে ।
এগৰাকী সন্দেহহীন নাৰী হিচাপে
এদিন পুনৰ লগ পায় এক হোৱাৰ আশাৰে
আজিলৈ এৰিছো দেই প্ৰিয়ে,
কাব্য ৰচিবলৈ দেখোন সময়ে নোজোৰে ।।
No comments:
Post a Comment