🔴ফাগুন
বিষাদ মনৰ বিষাদিনী আছিল
উৰুঙা পথাৰতে বহি,
হেঁটুলুকা চৰাইয়ে সুৰ ধৰি মাতিলে
ফাগুণ আকৌ আহিল ।
নিৰাশ মনত হ'ল আশাৰ সঞ্চাৰ
মিঠা আৱেশত উতলা হ'ল হিয়া ,
শিমলু, পলাশ , মদাৰৰ লঠঙা ডালত
জিলিকি উঠিছে ৰক্ত পুষ্পদল ।
আকাশত ফুলিছে শুধ্ বগা ফুল
চমক চমক ডাৱৰৰ ,
জাক জাক কুঁৱলী
খেলিছে হোলী
লঠঙা ডালত পৰি ।
পছোৱা বতাহে কঢ়িয়াই
আনিছে ধূসৰিত সুগন্ধি,
গালে মুখে ছটিয়াইছে
মুঠি মুঠি ৰঙালী আবিৰ ।
সৰা পাতে ৰিঙিয়াই কৈ গ'ল
অতীতৰ মৰহা কাহিনী,
সেউজীয়া হোৱাৰ হাবিয়াসত
তৰুণ কবিৰ স্পৰ্শত সৃষ্টি কৰি
হেজাৰ সেন্দুৰীয়া কবিতাৰ পংক্তি ।
-মাৰ্জিনা বেগম ।
No comments:
Post a Comment