কোলাহল
মাজনিশা নৈৰ দাঁতিত কিহৰ কোলাহল !
হয়টো কোনোবাই উচূপি কান্দিছে,
বলাচোন অলপ আগবাঢ়ি যাওঁ
অহ এইয়াচোন মোৰ হৃদয় ভাঙিছে ।
সপি দিছে সকলো বিষাদ বেদনা
এন্ধাৰ ৰাতিৰ সুযোগ দেখি,
সাৱটি ধৰিছে নিশাৰ মৌনতাই
দুখবোৰ আহিছে দুচকুত ভাঁহি ।
হাতত তুলি ললোঁ নিস্তেজ হৃদয়খ
কিজানি আকৌ সজীৱ হয় !
অহ মইচোন পাহৰিয়েই গলোঁ
মৰহা ফুল দুনাই ফুলি নৰয় ।।।
✍🏻 শান্তনু হাজৰিকা
বিশ্বনাথ চাৰিআলি
No comments:
Post a Comment