⛔️এটি নিস্তব্ধ নিশা।
আতিক আহমেদ
নিশাৰ কলা মেঘৰ আৰে আৰে
পূৰ্ণিমাৰ জোনটিয়েও লুকা ভাকু খেলে
হয়তো এনেকৈয়ে গঢ়িছো আমি জীৱন।
কেতিয়াবা লুকাই কেতিয়াবা দেখা দি
জীৱনটোৰ আগত ধৰা দিওঁ,
তথাপি দেখোন জীৱনৰ
আশা আৰু সপোনবোৰে লগ এৰা নিদিয়ে।
এটি নিস্তব্ধ নিশাই সংগোপনে আহি
মোক জীৱনৰ কথাবোৰ কৈ যায়
আৰু কৈ যায় বিশাল আকাশ
সীমাহীন হৈ বিয়পি থকা সাগৰখনৰ কথা।
সপোন বিভোৰত মত্ত নাথাকি
কৰ্মৰ মাজেৰে জগত জিনিবলৈ
এটি নিস্তব্ধ নিশাই মোক বাৰে বাৰে কৈ যায়।
তথাপিও কিয়জানো ভয় লাগে
নোৱাৰি নেকি সংকেত আহে
হতাশা আৰু ভয়ে যে লগ নেৰে
নিশাই মোক দুপৰ নিশালৈকে জগাই ৰাখে
বিছনাত ইকাতি সিকাতি কৰি
ভাৱনাই মোক সাৰে ৰাখে
এটি নিস্তব্ধ নিশাই মোক বহু কথাই আনি দিয়ে
নিস্তব্ধ নিশাই নিস্তব্ধ হিয়াত ঢৌৱে ঢৌৱাই নিয়ে।
No comments:
Post a Comment