নষ্ট কবি:
নিলিখোঁ আৰু কবিতা!
মই যে নষ্ট কবি,
চন্দহীন মাদ্যকতাৰ
অনুভৱহীন অলেখ ছবি।
শব্দবোৰ সুৰ হীন
ৰসাল হীন বাক্য কবিতাৰ
মই যে নষ্ট কবি
ৰাতিপুৱাৰ কুঁৱলি বোৰক
নুসুধিবা সুখৰ কথা
লাজত দুবৰী বন বোৰ দোঁ খাব।
নিলিখোঁ আৰু ঘাট-প্ৰতিঘাত
প্ৰাপ্তি-অপ্ৰাপ্তিৰ
প্ৰেমৰ ৰোমান্টিক
অতীতৰ কবিতা।
দুখৰ হুমুনিয়াহ কাঢ়ি
চন্দ্যই কৈ যায়
অনুগ্ৰহ কৰি...
নাহিবা কবিতাৰ পৰিসীমালৈ আকৌ
ডেও দি নাযাবা মোৰ পদূলিৰে
অচিন চিনাকি হৈ
গুচি যাবা
অলেখ দূৰলৈ।।
উদ্দমাদ হৈ
বজাবলৈ নাহিবা
মোৰ হৃদয়ত
প্ৰেম কবিতাৰ বীণ।
মই যে নষ্ট কবি।
ৰাহুল চেতিয়া,ধেমাজি
No comments:
Post a Comment