মোৰো এটা সপোন আছে
বুকুত অলেখ আশা
মনত অযুত উদ্দীপনাৰে পৰিপূৰ্ণ
মোৰো এটা সপোন আছে ।
হ'বনে বাৰু মোৰ সপোন পূৰণ
অভিলাস মাথোঁ সপোন পূৰণৰ।
প্ৰতিটো সুন্দৰ পুৱাই
মোৰ সেই আশাৰ সপোন
পূৰণ হোৱাৰ আগবঢ়া এটি দিন।
মোৰ সেই সপোন পূৰণৰ হেতু
মই প্ৰতিটো দিনে-নিশা এক কৰি
ঘূৰি ফুৰিছোঁ মাথোঁ সেই সপোনৰ পিছত ।
সময় যিদৰে
বোঁৱতী নৈৰ সোঁতৰ দৰে বৈ গৈছে ;
পাহাৰৰ পৰা পানী যিদৰে ভৈয়ামলৈ
কুলু-কুলু হৈ আহিছে ;
ঠিক সেইদৰে ময়ো ঘূৰি ফুৰিছোঁ
মোৰ জীৱনৰ বাটত
কাৰণ মোৰো এটা সপোন আছে ।
শ্ৰী পৰাগ জ্যোতি দাস
একাদশ শ্ৰেণী
কাইজেন একাডেমী,ঢকুৱাখনা
লখিমপুৰ
No comments:
Post a Comment