ভালপোৱাৰ ভাষাৰে:
বিৰাজ বল্লভ নাথ
খগা, লখিমপুৰ
মোৰ স্কুলীয়া প্ৰেম,
মৰম ভাললগাবোৰ
জীৱন জখলাত
আজিও আগুৱাই গৈ আছে
কিন্তু ই আজিও তোমাৰেই
অন্য কাৰোবাৰ নহয় ।
পিছে তোমাৰহে
ভাললগা, ভালপোৱা বোৰ
আজিও মোৰ নহʼল ;
তুমি স্কুলত যি আনৰ আছিলা
আজিও সেই আনৰেই হৈ ৰʼলা ,
কিন্তু মই..........
মই যে আজিও সেই বিষাদতাৰে পৰিপূৰ্ণ
ভগ্ন হৃদয়খনক লৈ
ৰৈ আছোঁ আশাৰে তোমাৰ বাবে ।
মোৰ ভালপোৱাৰ প্ৰতি সঁহাৰি
তোমাৰ পৰা কোনোদিনে নাপাওঁ
তথাপি আজিও মই তোমাৰেই অপেক্ষাত ।
অৱশ্যে তুমিটো সুখত আছা,
মোকনো আৰু কি লাগে !
সুখতেই থাকিবা তুমি ।
তোমাৰ সেই মিচিকিয়া
মৰমলগা হাঁহিটিৰ
তোমাৰ মুখত যেন
কোনোদিনেই অভাৱ নঘটে ।
মোৰ ভগ্ন হৃদয়খনি
ভগ্ন হৈয়ে ৰওক
মোৰ বিষাদতাবোৰ
বিষাদতা হৈয়ে ৰওক ।
কিন্তু তুমি..........
তুমি সুখত থাকিবা,
তুমি হাঁহি থাকিবা সদায় ।।
No comments:
Post a Comment