তুমি জানো শুনা নে?
তুমি জানো শুনা নে?
হেৰা গোপন মৃত্যু দূত !
মৃত্যুৰ কাটাতাৰ পাৰ হৈ গৈছে মানৱ ,
দূৰত্ব বাঢ়ি গৈছে স্বজনৰ চকুত,
নৰ-নাৰীৰ প্ৰেম বিষাক্ত বায়ুত
আজি মৃত্যুগন্ধী, শোকাতুৰ ।
তুমি জানো শুনা নে?
জনজীৱনৰ হাহাকাৰ,
একতীয়া হৈ শুৱা,
উজাগৰী নিশাৰ যন্ত্ৰণা,
ঘনাই লোৱা শ্বাস- প্ৰশ্বাসৰ সৈতে
নিঃস্ব জীৱনৰ উঠানমা !
মাথোঁ যান্ত্ৰিকতাই মেৰিয়াই ধৰা
শূণ্য জীৱনৰ সৈতে
খোজ মিলাবলৈ গৈ
গঢ়ি তোলা হয় বিশুদ্ধ কবৰ........
তুমি জানোঁ শুনা নে?
✍🏻 মাৰ্জিনা বেগম।
No comments:
Post a Comment