কন্যা সন্তান
সৃষ্টিকৰ্তাৰ আশীৰ্বাদ মৰমৰ সম্পদ
কন্যাই ঘৰৰ নিপোটল কবিতা,
কোমলতাৰ প্ৰতীক অমূল্য মুকুতা
সুগন্ধি লাৱণী ফুলৰ বিলায় সম্বাদ !
চন্দ্ৰ বদনি দুহিতাৰ উদাৰ দুই হাত
আলসুৱা মন-জন সেৱাৰ জাত
ঘৰৰ ভ্ৰাম্যমাণ মণি মমতাৰ খনি
মৌ বৰষা মাতত হিয়া পৰে শাঁত !
পৰিয়ালৰ শোভা স্বচ্ছতাৰ আভা
মজুত ৰাখে ঘৰৰ সৰ্ব খবৰ,
পিতৃ মাতৃৰ প্ৰিয়পাত্ৰী বেমাৰৰ ধাত্ৰী
বিপদ উদ্ধাৰৰ মূল সৰোবৰ !
স্নেহ জৰিৰে বান্ধি-নকৰে অভিসন্ধি
অমায়িক আচাৰ সুমিষ্ট আব্দাৰ,
কন্যা অভিশাপ-এয়া উন্মাদৰ প্ৰলাপ
পাষাণ লোকৰ অন্যায় অবিচাৰ !
পুত্ৰ কন্যাৰ সৰ্বত্ৰে সমান অধিকাৰ
লিঙ্গভেদ মধ্যযুগীয় ধ্যান-ধাৰণা,
শিক্ষাগ্ৰহণ মানসিক নৈতিক উত্তৰণ
আৱৰ্জনা নহৈ আগবঢ়ায় অৰিহণা !
শাস্ত্ৰৰ নীতিবচন কন্যা জন্ম গ্ৰহণ
সেই পিতৃ মাতৃ অতি পুণ্যবান,
বংশ ৰক্ষা কৰা-সৃষ্টিৰ গতিধাৰা
কন্যাৰ গৰ্ভৰ অলৌকিক দান !!
আমিৰ হুছেইন আহমেদ |
No comments:
Post a Comment