হৃদয় দাপোনত তুমি:
মোৰ হৃদয় দাপোনত তুমি
সাঁচি ৰাখিছো প্ৰতিচ্ছবি,
কোন কাহানিবা থিতাপি লোৱা
মনে আজি নামানে নিয়মৰ বাধা ।
মোৰ মনৰ গোপন কুঠৰিত
গান গাওঁ আজিও
তোমাৰ নামত সুৰ ধৰি ।
অভিপ্ৰায় নাই ইতিহাস গঢ়াৰ ,
স্বপ্ন নাই আকাশ চুবৰ
মাথোঁ মোৰ হৃদয়খন তোমাৰ হওঁক ...
ৰঙীন তুলিকাৰ বুলনিত
তোমাৰ উকা বগা কেনবাচত
সাধ্য নাই কাহিনী থমকি ৰোৱাৰ ...
আন্ধাৰ নিশা ।
তোমাৰ জোন জ্বলা আকাশত
আৰু মোৰ তৰা ফুলা দেশত
ব'লা হেৰাই যাওঁ আকৌ এবাৰ ....
নিঃশব্দ নিৰ্জনতাত।
সচাঁকৈ কৈছোঁ শুনি যোৱা
ভাল পাওঁ বুলি কৈ যোৱা
তোমাৰ হৃদয় খন মোক দিয়া ।
নিয়ৰ সেমেকা পুৱাৰ প্ৰেম কথাৰে
লিখি যাম হেজাৰ কবিতা ...তোমাৰ সৈতে .....
মোৰ চহৰত তোমাক লৈ
নিৰুদ্দেশ হোৱাৰ মন
আছা যে তুমি মোৰ হৃদয় দাপোনত ।
✍️ মাৰ্জিনা বেগম ।
( বৰপেটা )
No comments:
Post a Comment