সংগ্ৰাম জীৱনৰ আন এটি নাম
দুৰ্লভ মানৱ জনম মাত্ৰ এবাৰ
আপোচহীন সংগ্ৰাম উপভোগ্য নহয়
জয় পৰাজয় সুখ দুখ শান্তি অশান্তি
প্ৰেম ঘৃণা শুভ অশুভ প্ৰাপ্তি অপ্ৰাপ্তি
আমৰণ উপসৰ্গ জীৱন কাব্যৰ !
ধনৰ পাহাৰ দুখৰ সাগৰ-শ্ৰমৰ উপহাৰ
সফলতাৰ চাবি কাঠি কৰ্ম সংস্কৃতি
সংগ্ৰামে খোলে জীৱন পাঠশালাৰ দ্বাৰ !
জীৱনৰ মৌবন যৌৱন-মধুৰতম ক্ষণ
অৰ্থ সম্বলৰ ঢল-বাহুত জাগে শ্ৰমৰ বল,
উদ্যোমৰ অভিপ্ৰায় জমাৰ অধ্যায়
নাম ফলকত খোদিত হয়-আত্ম পৰিচয়
কৰ্মৰ কেনভাচত ভাগ্য-বিধাতাই লিখে
ঘাত প্ৰতিঘাতৰ সোঁত নিতৌ বৈ থাকে,
সুস্থতা অসুস্থতা সংগ্ৰাম পুথিৰ পাঠ
বিবেকৰ পৰিচালনাই প্ৰকৃত ধাৰাপাত !
উন্নতিৰ চিৰি প্ৰচেষ্টাত-আলস্যত নহয়
সাধনা একাগ্ৰতা জীৱন সংগ্ৰামী ৰথ
ইচ্ছাশক্তি দৃঢ়তা যদি অটুট থাকে
তমসা নাশি আঁকে জ্যোতিৰ গতিপথ
মৰুৰ বালিত সুখৰ মানিক প্ৰাপ্তি অক্ষম
নীলাম নহয় জীৱন-মূল্যবোধ শিকে ,
কাৰ্যই লক্ষ্যৰ পণ,জীৱন নহয় বিশ্ৰাম
সংগ্ৰামেই হ'ল জীৱনৰ আন এটি নাম !!
________________________________
আমিৰ হুছেইন আহমেদ
বকো,বামুনবড়ী, কামৰূপ (গ্ৰাম্য)
পিন নং ৭৮১১৩৬.
No comments:
Post a Comment