পজা ঘৰৰ প্ৰজা:সনাতন তালুকদাৰ

পজা ঘৰৰ প্ৰজা

পজা ঘৰৰ তুমি প্ৰজা

তোমাৰ কাষত আছে এটি সজা

সপোনবোৰ তুমি তাতেই ৰচা,

নীলা ৰঙৰ আকাশৰ তলত তুমিও এটি চোলা 

সাঁতোৰঙী ৰামধেনুৰ ৰঙেৰে তোমাক নাই বুলোৱা 

তথাপিও তুমি মন আকাশৰ এটি সৰু তৰা

তুমি সপোনবোৰ তাতেই ৰচা,

পৃথিৱীৰ বায়ু পানী মাটিৰ গোন্ধ বুটলি লোৱা

চন্দ্ৰ বেলিৰ পোহৰত এখোজ আগুওৱা 

দিঠকৰ লগৰী সাগৰৰ মণি মুকুতা হোৱা

সপোনবোৰ তুমি তাতেই ৰচা,

হৃদয়ৰ বন্ধ দুৱাৰ খুলি লোৱা

অপূৰ্ণ বৃষ্টিৰ শিপাৰ ৰঙীন দলিচা হোৱা

পৰ্বত শিখৰ মেঘৰ আঁৰৰ 

হিমচেঁচা হিমালয় গঢ়া

তুমি সপোনবোৰ তাতেই ৰচা।।

 শ্ৰী সনাতন তালুকদাৰ

     বাঁহজানী, নলবাৰী,

     ডাক:- পূব কালাকুছি

    পিন:- ৭৮১৩৪৮,           ভ্ৰাম্যভাষ:-৬০০০৮২৯৫০১