🔸নৱবৰ্ষ ২০২৩
গʼলগৈ ২০২২
আৰু উভতি নাহে কেতিয়াও,
বাদ দিছোঁ
পোৱা নোপোৱাৰ অংক কৰিবলৈ !
পোৱা নোপোৱাৰ দীঘলীয়া তালিকাত
হয়তো নোপোৱাৰ তালিকাই
গগন চুবগৈ
পোৱাবোৰৰ হিচাপ নিচেই তাকৰ ।
যোৱা বোৰক যাবলৈ দিছোঁ,
নতুন অতিথি "নৱবৰ্ষ ২০২৩" ক
সাদৰেৰে নিমন্ত্ৰণ জনাইছোঁ
অজস্ৰ সপোনেৰে ভৰা,
দিঠকৰ চিন নথকা
আশাভৰা জীৱনটিলৈ ।
নিচিন্ত থাকিবা তুমি নৱবৰ্ষ
নতুন হʼলা বুলিয়েই
নকৰোঁ তোমাৰ মাজত নতুনত্বৰ সন্ধান ।
মাথোঁ বিষাদতা দূৰ কৰি
বোৱাই দিবা হাঁহি - আনন্দৰ
অচিনাকী নদীখনি ।
সপোনবোৰক দিঠক কৰিবা,
দুখবোৰক সুখ কৰিবা আৰু
অচিনাকি বোৰক চিনাকি কৰিবা
নিবিচাৰোঁ আৰু নতুন কিবা
মাথোঁ......
শুভ হওঁক *নৱবৰ্ষ ২০২৩*
শুভ হওঁক *নৱবৰ্ষ ২০২৩* ।।
✍🏻 বিৰাজ বল্লভ নাথ
খগা, লখিমপুৰ
No comments:
Post a Comment