◽️আজিৰ অসমীয়া
©চুমিয়া আকতাৰা
ভূৱা স্বদেশ প্ৰেমৰ
কোবাল সোঁতত,
দেশ টলমল হৈ পৰিছে।
অন্ধ ৰীতি-নীতিয়ে
আজিৰ অসমীয়াক,
কোঙা কৰি পেলাইছে।
বক্তৃতাৰে আকাশ কপোঁৱা
আজিৰ অসমীয়াই,
দেখুৱাইহে বিপ্লৱ কৰিছে।
আমি সকলোৱে ভাই-ভনী
শ্লোগান দিয়া অসমীয়াই,
জাত-পাতহে বিচাৰ কৰিছে।
বছৰি-বছৰি বীৰ পূজা পতা
আজিৰ অসমীয়াৰ,
কেৱল জঁকাটোহে বাকী আছে।
দেশৰ হকে প্ৰাণ দিব পৰা
অসমীয়া জাতি,
এতিয়া ৰসাতলে গৈছে।
দেশৰ উন্নয়নৰ নামত
চলনা কৰি,
নিজ স্বাৰ্থ পূৰ্ণ কৰি আছে।
No comments:
Post a Comment