🔹কবিতা
চ'ত মাহক খেদিলোঁ বেগাই
বহাগ আহিব বুলি।
পিঠা-পনা লাড়ু-বিস্কুট
খাবলৈ পাম বুলি।
তাঁতৰ খালত বহিলোঁ মই
মূগা মেখেলা ব'ম বুলি।
বিহুৰ দিনা তাকে পিন্ধি
বিহু নাচিম বুলি।
চিঠি দিলোঁ চেনাইকে মোৰ
ঘৰলৈ আহিবা বুলি।
মই বোৱা গামোচাখন
চেনাইকে পিন্ধাম বুলি।
✍️চুমিয়া আকতাৰা
ফোন নং: ৯৩৯৫৩৪১৯২৯
জিলা: নগাওঁ(অসম)
©চুমিয়া আকতাৰা
ভূৱা স্বদেশ প্ৰেমৰ
কোবাল সোঁতত,
দেশ টলমল হৈ পৰিছে।
অন্ধ ৰীতি-নীতিয়ে
আজিৰ অসমীয়াক,
কোঙা কৰি পেলাইছে।
বক্তৃতাৰে আকাশ কপোঁৱা
আজিৰ অসমীয়াই,
দেখুৱাইহে বিপ্লৱ কৰিছে।
আমি সকলোৱে ভাই-ভনী
শ্লোগান দিয়া অসমীয়াই,
জাত-পাতহে বিচাৰ কৰিছে।
বছৰি-বছৰি বীৰ পূজা পতা
আজিৰ অসমীয়াৰ,
কেৱল জঁকাটোহে বাকী আছে।
দেশৰ হকে প্ৰাণ দিব পৰা
অসমীয়া জাতি,
এতিয়া ৰসাতলে গৈছে।
দেশৰ উন্নয়নৰ নামত
চলনা কৰি,
নিজ স্বাৰ্থ পূৰ্ণ কৰি আছে।
