নয়ন মইনা আজি তোমাৰ জন্মদিন

🔴 নয়ন মইনা আজি তোমাৰ জন্মদিন:

             

                           ✍🏻ৰুম্পী দাস

             ভালুকমাৰী ৰাণীপুখুৰী,হোজাই(অসম)

         আজি তোমাৰ শুভ জন্মদিন 

       আজি তোমাৰ শুভ ওপজা দিন 

       আজি তোমাৰ শুভ ৰঙীণ দিন । 

মৰমেৰে শুভ কামনা আৰু অফুৰন্ত শুভেচ্ছা জনালোঁ । তোমাৰ জীৱনলৈ অসীম আনন্দ , হাঁহি , উল্লাস ,সীমাহীন মৰম , সফলতা , সুখ , পূৰ্ণতা আৰু মনে বিচৰা অনাগত দিনবোৰ মধুৰ সমৃদ্ধিৰে 

ওপচি পৰখ । তোমাৰ ভবিষ্যত উজ্জ্বল হওঁক , তুমি আগুৱাই যোৱা তোমাৰ ভাল সময় অপেক্ষা কৰি সৎ জীৱনৰ বাটত । সদায় উজলীয়াই থাকা বেলিটোৰ দৰে , জিলিকি থাকা ধ্ৰুৱ তৰাটোৰ দৰে । ভগৱান , মা-দেউতা আৰু সকলোৰ আর্শীবাদ আগুৱাই যেন আহে । তোমাৰ জন্মদিনৰ গুৰুত্বপূৰ্ণ    মা-দেউতাক শ্ৰদ্ধা মায়াৰে সদায় যতনে ৰাখিবা । কেতিয়াও মা-দেউতাক নকৰিবা অন্তহীন । সু-স্বাস্থ্য আৰু দীৰ্ঘায়ূ কামনাৰে , একাজলি মৰম-ভালপোৱাৰে তোমালৈ ওপজা দিনৰ অলেখ শুভ শুভেচ্ছা যাচিলোঁ..........

        আজিও ভালপাওঁ স্বযতনে ,

        আজিও মনত কৰো সংগোপনে ।

        আজিও কামনা কৰো অন্তৰেৰে ,

        আজিও হৃদয়ত ৰাখিছো মৰমেৰে ।

        আজিও সমানে ভাবো দিনি-ৰাতি ,

        আজিও সমানে প্ৰাৰ্থনা কৰি জ্বলাওঁ চাঁকি-বাতি ।

        আজিও খোঁজ লওঁ আছানে ভাল ,

        আজিও বিচাৰো মন মেলি হাঁহা ফুলাই গাল ।

        আজিও কওঁ খঙক এৰি থাকিবা ,

        আজিও কওঁ মনৰ নিচিনা নক্সা আকিবা ।

        আজিও জনাওঁ মা-দেউতাৰ নকৰিবা ৰ্দুনাম ,

        আজিও জনাওঁ তোমাক শত কোটি প্ৰণাম ।

        আজিও নাযাবা সঁচাকৈ তুমি মোৰ পৰা আঁতৰি ,

        আজিও ভালপোৱা,  অভিমান , অভিযোগ ,  বিশ্বাস সদায় থাকো বিচাৰি ।

    আজিও নিদ্ৰাবিহিনতাত প্ৰতিক্ষণেই চকুলো টুকো উজাগৰিত ,

        আজিও মোৰ হৃদয়ৰ ৰন্ধে ৰন্ধে তোমাৰে প্ৰতিচ্ছবি হৃদয়েৰে গঠিত ।

           "তুমি " মাথোঁ এটা সৰু শব্দ । কিন্তু , মোৰ বাবে এই শব্দটো মোৰ সকলো । মোৰ হেপাঁহ , মোৰ মৰম , মোৰ বিশ্বাস , মোৰ ভালপোৱা  আৰু মোৰ পৃথিৱী ।

   জানানে ,

                  ভবা নাছিলো যে তোমাৰ সুখৰ কাৰণে মই তোমাকেই এৰিব লাগিব । তুমি বুজিয়েই নাপালা , তোমাৰ প্ৰতি থকা মোৰ মায়া । অৱহেলা কৰিলা..........

         না ভালত আছা , না বেয়াত আছা 

          না সুখত আছা , না দুখত আছা ,

          কেনেকৈ আছা নিজেই নাজানা ।

তুমি গুচি যোৱাৰ কথা নাছিলা , তথাপিও গুচি গ'লা । মই তোমাক হেৰুৱাৰ কথা নাছিল , তথাপিও হেৰুৱালো । কিন্তু প্ৰাৰ্থক্য মাথোঁ ইমানেই যে , মোক ভাল পাই তুমি অলপ সময় হেৰুৱালা আৰু মই গোটেই জীৱনটোকে হেৰুৱাই পেলালো ।

      আজিও মই তোমাৰ মায়াত বন্দী । এই পৃথিৱী খনত আৰু যিমান দিন আছোঁ কেৱল তোমাকেই ভালপাওঁ , পাই থাকিম । কথা নাপাতিলেও সঁচা ভালপোৱা কমি নাযায় । মই দূৰৰ পৰাই অনুভৱ কৰিব পাৰো ।

            ‌    সদায় ভাল থাকিবা 

                সদায় হাঁহিৰে থাকিবা

                সদায় নিজক চাই -চিতি ৰাখিবা ,

                সদায় মন বেয়া নকৰিবা ।

   মই কেতিয়াবা ভুল কৰি থাকিলে , মোক ক্ষমা কৰি দিবাচোন ।।

          ✍️ তোমাৰ অচিনাকি অপ্ৰিয়