শুৱনি আমাৰ গাওঁ
এইখনেই আমাৰ শুৱনি গাওঁ
নদীৰ পাৰে পাৰে খোজ কাঢ়ি যাওঁ
গাঁৱৰ আমাৰ নাম খৰিকটীয়া,
সীমা যদি সোধে আমাক আন কোনোবাই
এজাৰ নাহৰ ফুলৰ শাৰী হয় শেষ য'ত
গাঁৱৰ মাজত আমাৰ নামঘৰ - মছজিদ।
জোনাক নিশা হয় সপোন পুৰি আজান - ডবাৰ মাতত মন পুলকিত
ওচৰতে আছে বৰশিল থান
ওচৰীয়া পুঠিমাৰী নৈৰ দুয়োপাৰ সৰিয়হৰ হালধীয়া বালিচৰ
মলয়াই কঢ়িয়াই আনে সৰগী সুৱাস
ভাগৰুৱা দেহ-মনত ভাগৰ জুৰাই
মৌ- মাখিৰ গুণ গুণ গান
যʼতে - তʼতে মৌ বাঁহ সাজে
নদীৰ পানীত মাছৰ উজান
ভড়ালত থাকে জহা বৰা সোৱাগ মানি
বাৰীত আছে আম কঁঠাল নাৰিকল
একোৰেই নাপাওঁ অভাৱ আমি
ন-বাৰিষা বাঢ়িলে পানী
উগুল- থুগুল হিয়া মন।।
জ্যোৎস্না ৰানী বেগম
No comments:
Post a Comment