অবৈধ প্রেমত অনুতপ্ত
তুমি মোৰ শৰীৰ বিচাৰি প্রেম কৰিলা
আৰু মই হৃদয়খন তোমাকে দিলো।
তুমি মোৰ সপোন পূৰণৰ প্রতিশ্রুতি দিলা
আৰু মই আজীৱন তোমাৰ হোৱাৰ
সপোন দেখিলো।
সকলো বুজিও নিষ্পাপ শিশুৰ দৰে
জ্ঞানহীন হৈ পৰিলো।
অন্তত বুজি উঠিলো এই সংসাৰত
কোনো কাৰো আপোন নহয়।
তুমি আমাৰ বৈধ প্রেমক অবৈধ নাম দি
মোৰ ভালপোৱাক হত্যা কৰিলা।
পুৱা গধূলি প্রাৰ্থনা কৰাৰ শেষত
এয়া পৰিনাম দিলা।
বিশ্বাস যেন আজীৱনৰ বাবে শেষ কৰিলা
সপোনো যেন ক্ষন্তেকতে ভাঙি চুৰমাৰ কৰিলা।
জীৱন দিয়াৰ প্রতিশ্রুতি দি
মোৰ জীৱনটোকে কাঢ়ি নিলা।
লগত থকাৰ প্রতিশ্রুতি দি
নিজে আতৰি গ'লা।।.
নাম:ৰাশীমা চাংমাই
ঠাই:ডিব্রুগড়
শিক্ষা:স্নাতকোত্তৰ দ্বিতীয় ষান্মাসিক,অসমীয়া বিভাগ,ডিব্রুগড় বিশ্ববিদ্যালয়।
No comments:
Post a Comment