প্ৰিয়তমা
বহু দিন অন্তত
হাতত তুলি ল'লো
তোমালৈ লিখোঁ বুলি
কাগজ আৰু কলম ।
অপেক্ষাৰ বাটঘৰত
সৰা পাতত গাঁথি দিয়া
পামনে তোমাৰ উৰণীয়া চিঠিৰ উত্তৰ ?
তুমিতো জানাই
ফাগুন মোৰেই সদায় ,
উৰি ফুৰে মোৰ জীৱন চিলা
বিষাদিনী পছোৱাৰ আঁচল কোবাই ।
প্ৰিয়তমা,
তুমি মন কৰিছা নে ?
জীৱনত তোমাক দিব পৰা নাই
পলাশৰঙী এষাৰি মাত.....
ধূসৰিত ধূলিত হ'লা বিলীন ।
তুমিতো নাজানা !
তোমাক ভাল পোৱাও নহ'ল ,
অসংলগ্ন কবিতাৰ শাৰীত
মাথোঁ জোন বেলি তৰাৰে .....
সবিনয় নিবেদন
সৰল ৰেখা টানি
তোমাৰ কাষ পোৱাৰ ।।
------মাৰ্জিনা বেগম ।
No comments:
Post a Comment