🟣আহাঁ আমি অলপ সাহস কৰোঁ ।
জীৱনৰ পৰা পলাই ফুৰিবলৈ
সাহস নালাগে,
সাহস লাগে জীৱনৰ সতে মুখামুখি হ'বলৈ।
আঁহা আমি জীৱনৰ সতে মুখামুখি হওঁ ।
আলাপ কৰোঁ জীৱনৰ সতে
সুখ দুখ
প্ৰেম বিষাদৰ ।
জীৱন দিনপঞ্জীৰ পাত লুটিয়াই
সন্ধান কৰোঁ মহাজীৱনৰ ।
সূত্ৰ সাজোঁ
জীৱন যাপনৰ পৰা
উদ্ যাপনলৈ উত্তৰণৰ ।
গতানুগতিকতা চেৰাই
সজাই তোলো
অগতানুগতিক জীৱন
যি জগত শুৱনি কৰে ।
আহাঁ আমি অলপ সাহস কৰোঁ।
ৰাতুল চেতিয়া ফুকন
চৰাইদেউ।
No comments:
Post a Comment