🔴বিশ্বৰ ৰাজনীতি।
বিশ্বৰ ৰাজনীতি
আজি উন্মাদ
যুদ্ধৰ ধোঁৱাৰে আবৰে,
মানৱতাক ভৰিৰে মুহাৰি কোনে
বিশ্ব গুৰু হ'ব পাৰে।
সাধাৰণ মানুহৰ
সৰু সৰু সপোনত
আগ্ৰাসী মনোভাৱ নাই,
সমিলমিলেৰে
জীয়াই থাকিবলে
সিহঁতে মাথোঁ ভাল পায়।
আজি চিঞৰি চিঞৰি
ক'লোৱে যেনিবা
কোনে বাৰু কান পাতি শুনে,
ত্ৰাসৰ পৃথিৱীত
বাসৰ চিন্তাই আজি
ঘনে ঘনে বুকুখন দহে।
******
ৰাতুল চেতিয়া ফুকন
চৰাইদেউ।
মই কেনেকৈ ক'ম
ছাই হোৱা বুকুৰ ঠিকনা
ৰঙা শাৰী পিন্ধি
ফেহুঁজালি দিলে প্ৰেমে ।
বুকুত তেজাল ঘোঁৰা বান্ধি
উজাব খোজে নদী
ক'ত থ ওঁ মন, ক'ত থওঁ চকু
পলাশৰ ৰঙ সনা ফাগুনক কলো
ফুলৰ বাবে কাঁইট নে
কাঁইট থকাৰ বাবে ফুল
কেনেকৈ সহিব পাৰি
ফুলে ধুৱা বিলাসী যাতনা
কেনেকৈ ক ওঁ বাৰু
ছাই হোৱা বুকুৰ ঠিকনা ।
✍️ৰাতুল চেতিয়া ফুকন
চৰাইদেউ।
এতিয়া কিমান সহজ
হাতৰ মুঠিতেই পায় মনৰ খবৰ
চোলাৰ জেপত লৈ ফুৰে মানুহে
মানুহৰ ঠিকনা।
আঙুলিৰ সামান্য স্পৰ্শত
প্ৰাণ পাই উঠে হৃদয় ।
বিমূৰ্ত কেইটামান সংখ্যা
তাতেই লুকাই থাকে ঠিকনা
মানুহৰ ঠিকনা।
ইযে প্ৰেমৰ প্ৰস্তাৱনাৰো
চমু বাট- মোবাইল।
ৰাতুল চেতিয়া ফুকন।
চৰাইদেউ।
জীৱনৰ পৰা পলাই ফুৰিবলৈ
সাহস নালাগে,
সাহস লাগে জীৱনৰ সতে মুখামুখি হ'বলৈ।
আঁহা আমি জীৱনৰ সতে মুখামুখি হওঁ ।
আলাপ কৰোঁ জীৱনৰ সতে
সুখ দুখ
প্ৰেম বিষাদৰ ।
জীৱন দিনপঞ্জীৰ পাত লুটিয়াই
সন্ধান কৰোঁ মহাজীৱনৰ ।
সূত্ৰ সাজোঁ
জীৱন যাপনৰ পৰা
উদ্ যাপনলৈ উত্তৰণৰ ।
গতানুগতিকতা চেৰাই
সজাই তোলো
অগতানুগতিক জীৱন
যি জগত শুৱনি কৰে ।
আহাঁ আমি অলপ সাহস কৰোঁ।
ৰাতুল চেতিয়া ফুকন
চৰাইদেউ।
