🔸নৱবৰ্ষ
হে নৱবৰ্ষ স্বাগতম জনাইছো তোমাক
তুমি বাৰু আহিচানে নৱবৰ্ষ,
সৌ পূৱ আকাশত ওলোৱা বেলিটোৰ দৰে হৈ
সকলোৰে জীৱনবোৰৰ পৰা আন্ধাৰবোৰ অতৰাই
পোহৰ বিলাবলৈ ।
তুমি আহিচানে বাৰু এপাহ সুগন্ধীময় ফুলৰ দৰে হৈ,
আমাৰ সকলোৰে জীৱনবোৰ এপাহ ফুলৰ দৰে
সুগন্ধীময় কৰি তোলিবলৈ।
হে নৱবৰ্ষ আহাচোন তুমি,
আমাৰ জীৱনবোৰ সুখ সমৃদ্ধিময় কৰি তোলাহি
হাঁহি আনন্দৰ জোৱাৰ আৰু সফলতাৰ ফাকু চটিয়াই ৰঙীন কৰি তোলাহি।
হে নৱবৰ্ষ আহাচোন তুমি,
এইবাৰ তুমি আহিলে
এই সমাজৰ কু -চৰিত্ৰ, কু -চিন্তাবোৰ কিজানিবা সলনি হয়,
তুমি আহিলে
কিজানিবা মনৰ মন্নিলতাবোৰ শেষ হয়েই।
হে নৱবৰ্ষ তোমাক আদৰণি জনাইছো
আহা নৱবৰ্ষ
তুমি আমাৰ জীৱনবোৰ সুখৰ বন্যাৰে ভৰপূৰ কৰি তোলাহি,
নৱবৰ্ষ তোমাৰ হাতত হাত ধৰি
আমি সকলোৱেই মিলি আগুৱাই যাম
জাতি,ধৰ্ম,ভাষা,লিংগ আদিৰ নিৰ্বিশেষে ভেদা ভেদ তথা শত্ৰুতাক নেওচি
সুন্দৰভাৱে গঢ়ি তোলো এখন নিকা আৰু সুস্থ সমাজ
স্বাগতম নৱবৰ্ষ ।
© প্ৰিয়া বৰা ,যোৰহাট,অসম
একাদশ শ্ৰেণী
