🔴মোৰ কবিতাৰ ছন্দ বিচাৰি
✍️মনোৱাৰ হুছেইন
দিন বাগৰি আজি বহু দিনেই হ'ল
সেই বাবেই ছাগে আমনি কৰিব লৈছে মনটোয়ে !
আজিও মন যায়
সন্ধিয়া পৰত সেউজী উদ্যানত বহিবলৈ ;
ডুব যাৰ খোজা বেলিৰ হেঙুলীয়া ৰঙ
তোমাৰ গালত বুলাবলৈ;
মৰমৰ কথাৰে
ভাগৰুৱা জীৱনৰ উপন্যাসৰ প্ৰতিটো শব্দ বুজাবলৈ ।
বৰফৰ দৰেই আজি
শব্দবোৰ গোট মাৰিছে হৃদয়ত,
হাঁহিবোৰ ফুটি উঠা নাই দুটি ওঠত !
মন মোৰ সঘনাই পাখি মেলে তোমালৈ
তোমাৰ সৈতে নিজানত ৰহিৰলৈ ;
হেৰুৱা গানৰ সুৰ বিচাৰিবলৈ,
আধৰুৱা কবিতাৰ ছন্দ মিলাবলৈ !!
