🔴এটি হাঁহিৰে
মনোৱাৰ হুছেইন
শীতৰ বতৰ যে
চৌপাশ খৰাং খৰাং ;
ফাটিছে গাল আৰু ওঁঠযুৰি
স্থবিৰ বতৰ; ৰৈছে গুমটামাৰি…
জলবায়ুৰ আদ্ৰতাই শুষ্কতা সানিলে
মোৰ কলমৰ চিয়াঁহীত,
শব্দৰ ভড়াল জাঁহ যাবহি
মোৰ চৰম হেমাহিত !
পাৰোনে আজি
এটি হাঁহিৰে, মনক জীপাল কৰিবলৈ,
বিষাদবোৰ পাহৰি অতীতক বিদায় দিবলৈ;
পাৰোনে এটি হাঁহিৰে
সুখৰ আশাৰে নতুনক আকোঁৱালিবলৈ …
পাৰোনে এটি হাঁহিৰে
দুখবোৰ মচিবলৈ;
বন্ধুত্ত্বৰ এনাজৰী ডাল দৃঢ় কৰিবলৈ;
হৃদয়ত প্ৰেমৰ জোৱাৰ আনিবলৈ !!
হাঁহি যেন এক সুলভ অস্ত্ৰ
ভাঙিবলৈ সম্পৰ্কৰ জড়তা,
আঁতৰাবলৈ মনৰ নীৰৱতা,
বুজাবলৈ জীৱনৰ মহত্ত্বতা,
বিলাবলৈ প্ৰেমৰ মাদকতা,
লিখিবলৈ শব্দৰে ভৰা কবিতা ।।
No comments:
Post a Comment