◾️স্বাগতম
হে নৱ পুৰুষ
আদৰণি জনাইছোঁ তোমাক
কঢ়িয়াই লৈ আহা যেন
সুখ,শান্তি সমৃদ্ধিৰ
এক নতুন যুগৰ পাতনি
সুখ বোৰ বুটলি
হাঁহিময় কৰি তোলক
সকলোৰে জীৱন।
বিদায় হে প্ৰস্থানগামী পুৰুষ
অনুগ্ৰহ কৰি আকৌ
নাহিবা উলটি তুমি.
নিলিখিবাহি মহামাৰী
হত্যা,লুণ্ঠন,ধৰ্ষণ,অপহৰণ, ধনদাবী
ক'ত কি মুখা পিন্ধা
দানৱৰ ধ্বংসী কাহিনী।
জীপাল হবলৈ দিয়া
শত জনৰ আশা-ভৰক্ষা,
সতেজ হবলৈ দিয়া
হৃদয়ৰ শুকান পাতখিলা
নিয়ৰত আজি তিতিবলৈ দিয়া…
গোপনে, নিৰৱে তাক
টোপ টোপ কৈ
নিয়ৰৰ টুপালত
জীপাল হবলৈ দিয়া
ভালপোৱা বোৰেও
জিৰণি লৈ
প্ৰতিজন ব্যক্তিক হৃদয়বান কৰক
নিয়ৰ সনা পুৱাৰ
নৱ স্বপ্ন,নৱ আশা প্ৰেৰণাই
সকলোৰে জীৱন আলোকিত কৰক।।
🔴ৰাহুল চেতিয়া,
মুখ্য সম্পাদক, জোনাকী
No comments:
Post a Comment