তুমি আৰু মই
অশান্ত মনৰ
প্ৰশান্ত ভাৱনা ,
জীৱনে বিচাৰে সপোনৰ ঠিকনা ।
নাজানে একোকে ,
নুবুজে একোকে ,
মাথোঁ বিচাৰে তোমাকে কাষতে ।
মোৰ অনুভৱী হৃদয়ৰ ফাগুন হ'বা তুমি,
মই উতনুৱা ফাগুনৰ বাউলী পছোৱা হৈ ধূলিৰ কণিকাৰে পুনৰ কবিতা লিখিম সৰাপাতৰ বুকুত।
তুমি সাগৰ হ'বা মোৰ মেদিনীৰ ,
প্ৰেমৰ জলেৰে পুনৰ জীপাল কৰিবা মোৰ হিয়াখনি।
এই বিশ্বব্ৰহ্মাণ্ডৰ তুমি সূৰুয হ'বা
আৰু মই চন্দ্ৰমা হ'ম।
দুয়ো দুয়োৰে সাক্ষী হৈ চিৰদিন এক হৈ ৰ'ম
আমাৰ এই প্ৰেম চিৰযুগমীয়া কৰি , পৃথিৱীত বিলাই দিম আমাৰ সুখৰ ৰঙ ।
✍🏻ৰিমাশ্ৰী কোচ-ৰাজবংশী
*দশম শ্ৰেণী
*ঢকুৱাখনা
