কবি আৰু কবিতা:
প্ৰসন্ন কুমাৰবৰা,মৰিগাঁও
বিপ্লৱী জীৱনৰ অলপমান সময় পাই ধাপলি মেলোঁ
তোমাৰ কাষলৈ
তুমি মোৰ বহু দিনৰে আপোন
তোমাৰ আঁচলৰ ছাঁতে শান্তি বিছাৰি
দুখ ভাগৰ নেওচি
মই পাওঁ তোমাৰ কাষত বিছাৰি
সুখ- সমৃদ্ধি
যাচি দিওঁ তোমাৰ দুগালত
শব্দৰ মিঠা চুম্বন
পিন্ধাই সজাব বিচাৰোঁ বাক্য মালাৰে তোমাৰ খোপাট
শব্দ-সম্ভাৰ আলিংগনত আপোন- পাহৰা হৈ
নিসংগতাৰ কামনাত মগ্ন হৈ
হিয়া উজাৰি দিওঁ
ভাষাৰ টোপোলা খুলি
অনুভৱ - কাব্যিকতাৰ সঙ্গমত জন্ম লভাৰ সত্ত্বা....
এটি মিঠা কবিতা
কবি আৰু কবিতা.....॥
No comments:
Post a Comment