দীপাৱলী:
মিনতি ডেকা
কালিলৈ পোহৰৰ উৎসৱ দীপাৱলী
মানুহৰ উৎসাহৰ তৰণি নাই
বজাৰতো ভিৰ-
নানা ৰঙীন টিপ্ টপ লাইত
ধনতেৰাছ বুলি ৰাইজে নিজৰ সামৰ্থ্য জোখাই
বাচন-বৰ্তন, মাটিৰ চাকি ঝাড়ু
সামৰ্থ্য অনুযায়ী সোন-ৰূপ আনিছে
হেঁপাহেৰে -
আজিয়েই পদূলিয়ে পদূলিয়ে মাটিৰ চাকিৰ পোহৰ
যেন নীলা আকাশৰ তৰা বোৰে তিৰ্ বিৰাই আছে।
ঘৰ বোৰ টিপ্ টপ্ লাইতেৰে সু সজিত
মানুহৰ পৰ্বত সম উৎসাহ আনন্দতে নধৰাত হৈছে-
কেইবা দিনৰ পৰা বম,ফটকা ফুটাই আছে-
কালিলৈ পদূলি পদূলি য়ে কল গছ পুতি
আলোকেৰে সজাই লক্ষিমীক আদৰিব।
ধূপ-ধূনাৰ গোন্ধৰে সুশোভিত হ'ব
গোঁসাই ঘৰত শৰাই আগ বঢ়াব
নৈবেদ্য উপচি পৰিব
ৰান্ধনী ঘৰত ,বাৰীত,জলত দোৱাৰ মুখে মুখে
বন্তি জ্বলাব
দীপাৱলীয়েই প্ৰেম ভাতৃত্ব বোধৰ
এনাজৰী ভাল আলোকেৰে বান্ধিব
অসূয়া বহু দূৰলৈকে ঠেলি পঠিয়াব
এক নৱ সূৰুয উদয় হ'ব
ধৰণী উজ্জ্বল হৈ পৰিব
জীৱনৰ বাটত জনগনে আৰু
এখোজ আগুৱাই যাব।
দীপাৱলী তোমাক স্বাগতম।।
No comments:
Post a Comment