কেৱল তোমাৰেই প্ৰতিচ্ছবি:
শ্ৰী পৰাগ জ্যোতি দাস
মেঘালী চুলিটাৰি মেলি
তুমি নাচাবা মোলৈ?
তোমাৰ হৰিণী নয়নে
মোৰ দুচকুত কেৱল দুৰ্বাৰ
প্ৰেমৰ কথাকে কয় ।
কোন তুমি?
আজি যে মোৰ হৃদয়ত
কেৱল তোমাৰেই প্ৰতিচ্ছবি ।
তোমাৰ হাঁহিটি যেন হাঁহি নহয়
যেন পূৰ্ণিমা নিশাৰহে জোন।
তোমাৰ কোমল ওঁঠটিয়ে মোক
তোমাৰ অন্তৰৰ নিভাঁজ
মৰমবোৰৰ কথাকে কয় ।
কোন তুমি ?
আজি যে মোৰ মন আকাশত
কেৱল তোমাৰেই প্ৰতিচ্ছবি ।
তোমাৰ গালৰ কলা তিলটি যেন
জোনাক নিশাৰ আকাশত
উৰি ফুৰা এটা অকলশৰীয়া
জোনাকী পৰুৱাহে ।
তোমাৰ কঁকালৰ খামুচীয়া ভাঁজ
গহীন-গম্ভীৰ খোজ
চালেই মোৰ প্ৰাণ হয় পুলকিত।
কোন তুমি?
আজি যে কেৱল সপোনে-দিঠকে
কেৱল তোমাৰেই প্ৰতিচ্ছবি ।
কিয় বাৰে বাৰে পাগল কৰিছা
এই অভাজনক ।
কোন তুমি?
মোৰ দুচকুত যেন আজি
কেৱল তোমাৰেই প্ৰতিচ্ছবি ।
-×-×-×-×-×
একাদশ শ্ৰেণী
কাইজেন একাডেমী,ঢকুৱাখনা
লখিমপুৰ
No comments:
Post a Comment