হৃদয়ৰ নীলিম উপত্যকাত এভুমুকি:
✍️ ৰাজ ৰাহুল
জানানে--
প্ৰেৰণাৰ বৰষুণেৰে
তোমাৰ হৃদয়খন জীপাল কৰিবলৈ
মই তোমাক কাষত বিচাৰোঁ।
তোমাৰ শুকান ওঁঠত
হাঁহি বিৰিঙাবলৈ
কৰা আপ্ৰাণ চেষ্টাত
কেতিয়া যে মই কবি হৈ পৰোঁ
নিজেই নাজানো।
তোমাৰ বেদনাক্লিষ্ট মৌনতাৰ ভাষাবোৰ
সহিব পৰা হ'লে
জোনাকৰ সপোন নেদেখুৱালোঁহেঁতেন তোমাক--!
তোমাৰ ৰুদ্ধ হৃদয়-দ্বাৰ খুলি
এছাটি বতাহৰ স্পন্দন দিবলৈ
তোমাক উপহাৰ দিওঁ
মোৰ মূল্যৱান সময়বোৰ---!
যদি এই অনুকম্পাৰ নামেই হয় ভালপোৱা
তেনে তোমাৰ মনৰ পথাৰখন সেউজীয়া কৰিবলৈ
প্ৰেৰণা হৈ থাকিম প্ৰতিদিনে--
যাতে তুমি হাঁহিব পাৰা মুক্ত মনেৰে--
কথা কোৱা ভালপোৱাৰ ভাষাৰে...।
No comments:
Post a Comment