ভালপোৱাৰ নক্সা
অন্তহীন স্পৃহাত অনুৰণিত হয়
তোমাৰ প্ৰতি থকা মোৰ ভালপোৱা--!
সীমাহীন মৰমেৰে উপচাই দিবলৈ
কৰি আছোঁ আকুল প্ৰতীক্ষা--!
তুমি আকৌ বিচাৰিবা নেকি
মোৰ ভালপোৱাৰ পৰিসীমা ?
জানা, অন্তহীন হাবিয়াসে
হৃদয়ত অনুৰাগৰ বৰষা নমায়
তোমাৰ অজ্ঞাতে--অজানিতে!
তোমাৰ মনৰ ফুলনিত
ৰুবা দেই মই ভালপোৱা ফুল
এদিন পাহি মেলি ফুলিব,
বতাহত থাকিব হালি-জালি--!
ভাহি অহা সুবাসে দিব
তোমাৰ মনৰ বাতৰি ,
আৰু এদিন মই যাম--
দেখুৱাবানে তুমি হৃদয় খুলি ?
অৱশ্যে নক'লেও বুজিম
হৃদয়ৰ পৰা হৃদয়লৈ বৈ যোৱা
ভালপোৱাৰ পৰিভাষা
য'ত বৈ আছে
প্ৰেমৰ শাশ্বত অলকানন্দা...।
✍️ ৰাজ ৰাহুল
No comments:
Post a Comment