প্ৰতিশ্ৰুতি:
জীৱনৰ জটিল ক্ষণত
আহিম বুলি দিছিলা প্ৰতিশ্ৰুতি
পল,অনুপল কৰি
দিন,মাহ বছৰ ধৰি
পাৰ হৈ গ'ল কত ধুমূহা
তথাপি তুমি নাহিলা
কত নিশা উজাগৰে পাৰ কৰো
তোমাৰ ভাৱনাই ধৰেহি আৱৰি
আকাশ,বতাহ,সকলোতে
জুমি জুমি চাওঁ,কিজানিবা তোমাক দেখা পাওঁ
পদুলিৰ বকুল জোপাৰ তলত
থাকো বাট চাই ,জানোছা
ডাকোৱালৰ হাতত দিছা তোমাৰ বাতৰি
অ'মোৰ লগৰী,মোক দিয়াৰ দৰে
নিদিবা কাকো মিছা প্ৰতিশ্ৰুতি-
নকৰো অপেক্ষা তুমি দিয়া প্ৰতিশ্ৰুতিলৈ
থাকিম বিষাদে ভৰা হদয় খন লৈ অকলশৰে।।
মিনতি ডেকা
লক্ষীমপুৰ।
No comments:
Post a Comment