আঘোণ
আঘোণৰ পথাৰৰ
সোণাৱালী ধাননি,
পিতাইৰ মুখত বিৰিঙি উঠে
আশাৰ ৰেঙণি ।
সূৰুযৰ কিৰণত জিলিকি উঠে
পকা পকা সোণগুটি ধান,
পিতাইৰ বুকুত বাজি উঠিছে যেন
হৃদয়ৰ এটি গান ।
আয়ে আদৰিছে ঘৰত
ন-লখিমী ,
পিতায়ে আনিছে ডাঙৰি বান্ধি
কেচ্ কেচ্ শব্দ কৰি ।
সোণগুটি ধানৰে নদন-বদন হৈ
সকলোৰে ভঁৰাল হ'ল পূৰ,
ইয়াতেই এটি মিঠা সপোন
আঘোণৰো পৰিলে ওৰ।
-×-×-×-×-×-×-×-×-
✍️ শ্ৰী পৰাগ জ্যোতি দাস
একাদশ শ্ৰেণী
ঢকুৱাখনা,লখিমপুৰ।
No comments:
Post a Comment