নীলা খামৰ চিঠি:শিল্পী দাস

🔸 নীলা খামৰ চিঠি

      তোমালৈ বুলি 'বন্ধু '

প্ৰতি,

        মোৰ মৰমৰ প্ৰিয় বন্ধু মৰম ল'বা।

       আজি ইংৰাজী ২০২২ চনৰ ৩১ জানুৱাৰী এই বছৰটোৰ অন্তিম দিন। মই শীতৰে নিস্তব্ধ আন্ধাৰ ৰাতিত তোমাকে ভাবি শীতৰ কুঁৱলীৰে গা শীতলীছোঁ, খিৰিকীখনৰ কাষত বহি। জোনৰ ফালে চাই তোমাৰ আৰু মোৰ সেই মধুৰ স্মৃতিৰ কথা ভাবি অশ্ৰুৰে গা তিতিছোঁ।যিমানে তোমাক পাহৰিব বিচাৰোঁ, সিমানেই বেছি তোমাৰ কথাই মোৰ হৃদয়খন খাঁমুচি ধৰে পাহৰিব যে নোৱাৰোঁ। মোৰ কল্পনাৰ অনুভূতিৰ হৃদয়খনে ভাবিবলৈ ধৰিছে তোমাৰ আৰু মোৰ নতুন বছৰ ২০২৩চনৰ এক মধুৰ সংসাৰ সজোৱাৰ মহুৰ্ত।নিস্তব্ধতাৰ ভাবনাৰে ওঁঠৰ মিচিকিয়া হাঁহিৰে কিছু সময় পাৰ কৰাত হঠাতেই ভৌমৰাই কাষত আহি ভৌ ভৌ কৰোঁতে স্বচ্ছ কাঁচৰ দৰে চূৰ্ণ-বিচূৰ্ণ হৈ গ'ল মধুময় সপোন। তোমাৰ ভাবনাৰে মনত বহুত সাহসেৰে ....

               আজি বহু দিনৰ মূৰত ২০২২চনৰ অন্তিম দিনত তোমালৈ চিঠি লিখিম বুলি। স্বযতনত ৰখা, তোমাৰ ফটোখনলৈ চাই বিষাদেৰে ভৰা মনেৰে হাতত কলমলৈ লিখিবলৈ ধৰিলোঁ......

         কেনে আছাঁ তুমি,ভালে নে?অ তুমি তো ভালেই আছাঁ। কিয়নো তুমি বিচৰা‌ঁ সপোনৰ ৰূপহী ধুনীয়া ৰাজকন্যা পাই গলা। এতিয়া চাগে তুমি,মোৰ কথা তো মনতেই নকৰা ন।

        আজি নিলিখোঁ বুলি ভাবিও আকৌ লিখিবলৈ ল'লো মোৰ স্বযতনৰ সংগোপনৰ স্মৃতিৰে ভৰা বিষাদ মনেৰে বহু কথা নববৰ্ষ উপলক্ষ্যে তোমালৈ। তোমাক লৈ, মোৰ এই জীৱনৰ অন্তিমলৈকে লিখিলেওঁ শেষ নহ'ব। অনাদৰ কৰি হ'লেও এবাৰ মাথোঁ পঢ়িবা যদিহে মোক এমহুৰ্তৰ বাবে বুন্ধ ভাবি থাকা। আকৌ চাগে চিঠিখন লিখি তোমাক আমনি কৰিছোঁ।বিৰক্ত পালে ঈশ্বৰৰ কাষত প্ৰাৰ্থনা কৰিবা মই যেন সোনকালেই পৃথিৱীৰ পৰা গুচি যাব পাৰোঁ।তোমাকে ভাবি অশ্ৰুৰে ভৰা চকুযোৰ ৰক্তাক্ত হৈ পৰিছে কিন্তু কিনো কৰিম, মই তোমাৰ যোগ্যই নহয় আৰু ভাগ্যতেই নাই; লৰালৰিকৈ আকৌ চকুযোৰৰ পানী মুছি মুছি লিখিবলৈ ধৰিলোঁ।

         বন্ধু, তোমাৰ বাৰু মনত আছেনে? দুই বছৰমান আগৰ কথাবোৰ তোমাৰ আৰু মোৰ। আমি যে কলেজৰ প্ৰথম দিনাই একেই বেঞ্চত বহিছিলোঁ আৰু বন্ধু বুলি পৰিচয় হৈছিলোঁ। মোৰ দুখেৰে ভৰা হৃদয়খন যেতিয়া কষ্টৰে ভৰি পৰিছিল তেতিয়া তুমিই মোক হহাঁইছিলা, মোক সপোন দেখিবলৈ শিকাইছিলা, নিজৰ কথা ভাবিবলৈ বুঝাইছিলা। মনৰ দুখবোৰ প্ৰকাশ কৰাৰ কথা কৈছিলা আৰু শুনিবলৈ কিমান যে বিৰক্তি কৰিছিলা,সেয়া আৰু কি ক'ম। তোমাক বহুবাৰ গালিও দিছিলোঁ। লাহে লাহে বন্ধুত্বৰ পৰিচয়ত ভাগ কৰিছিলোঁ সুখ-দুখ, হাঁহি-কাঁন্দোন, খোৱা আদি সকলো মন উজাৰ কৰি। কলেজৰ লগৰীয়াবোৰ তোমাৰ আৰু মোৰ বন্ধুত্বৰ প্ৰশংসা কৰিছিল আৰু তুমি,মই অহংকাৰেৰে বন্ধুত্বৰ পৰিচয়েৰে দুয়ো দুয়োৰে মুখেৰে চাই প্ৰেমৰ প্ৰতি দুৰ্বলতাৰে মিচিকিয়া হাঁহিছিলো। আকৌ এদিন বিৰক্তিৰে কৈ দিলোঁ মোৰ মনৰ বেদনাবোৰ তোমাৰ কাষত। তুমি মোৰ চকুৰে চকু ৰাখি, হাতত হাত ৰাখি কথা দিছিলাঁ, মই তোমাৰ বন্ধু, মই তোমাৰ সুখ-দুখ সকলোতেই তোমাৰ লগত থাকিম। তুমি আৰু কৈছিলা,'তোমাৰ শৰীৰৰ প্ৰতি যত্ন ল'বা নহ'লে গা বেয়া হ'ব ।মই কৈছিলো,একো নহয় মোৰ যি হোক, মই মোৰ পৰিবাৰৰ সুখত সুখী মই ভালেই আছোঁ। তুমি কৈছিলা, এটা কথা কওঁ তুমি ভাল থাকিবা কিয়নো মই তোমাৰ সুখত সুখী। আজি তোমাৰ এই কথাষাৰেই মোক বৰকৈ বিৰক্তি কৰে।কিয় ক'লা অ এনেকুৱা কথা যদিহে মোৰ প্ৰতি তোমাৰ ভালপোৱাই নাছিল। তুমি আৰু মই সচাঁকৈ কলেজৰ সময় পাৰ হোৱাৰ লগে লগে বন্ধুত্বৰ পৰা জীৱন সঙ্গী হৈ গ'লো নিজেও নাজানো। এদিনাখন তুমিয়েই মোক নিস্তব্ধ ৰাতিত জোন,তৰাক সাক্ষী কৰি বুকু উজাৰি 'বন্ধু তোমাক ভালপাওঁ' বুলি প্ৰথম ভালপোৱাৰ প্ৰস্তাৱ দিছিলা আৰু চিঞৰি চিঞৰি কৈছিলা তুমি মোৰ জীৱন।মইও বন্ধুত্বৰ পৰা কেনেকৈ যে তোমাৰ ভালপোৱাৰ মায়াত পৰিলোঁ নিজেই ক'ব নোৱাৰোঁ । দুয়োয়ে বন্ধুত্ব আৰু ভালপোৱাৰে জীৱন সঙ্গী হিচাপে মনৰ ভাব প্ৰকাশ কৰি ভবিষ্যতৰ বহু সপোনৰে সুখে-হাহিঁৰে পাৰ কৰি আছিলোঁ পতিপল।হঠাতেই এদিনাখন মোক কিয় জানো তুমি ভুল বুজিলাঁ মই নাজানোঁ। জানিবলৈ বহু কৌতুহল হ'লো কিন্তু তুমি বাৰ বাৰ মোক অপমান কৰিলা আৰু বেয়া বহু কথাৰে মোক আঘাত কৰিলা।যিহোক এইবোৰ কথা থাক, তুমি তো এতিয়া তোমাৰ জীৱন সঙ্গীক লৈ ভালে আছা। দুদিনমান পিছত হ'ব চাগে তোমালোক দুয়ো নতুন সংসাৰ জীৱনৰ পাতনি মেলিবা।

        শেষত এয়াই কওঁ যে, তুমি মোৰ প্ৰথম ভালপোৱা আছিলাঁ,আছাঁ আৰু ভবিষ্যতেওঁ থাকিবা মোৰ স্বযতনৰ সংগোপনৰ হৃদয় দাপোনত। কেতিয়াবা যদি ভুলতেই মোৰ কথা মনত পঢ়ে তেতিয়া দুখ নকৰিবা, ভালে থাকিবা, এনেদৰেই সুখে থাকিবা দুয়োয়েই মিলি।এয়া তোমালৈ মোৰ ২০২৩চনৰ নতুন বছৰৰ অন্তিম চিঠি,প'লম নকৰি পঢ়িবলৈ চেষ্টা কৰিবা।

                       - ইতি

   তোমাৰ আজিৰ বিৰক্তিকৰ বন্ধু

                   শিল্পী দাস

  ভালুকমাৰী ৰাণীপুখুৰী, হোজাই

                                       (অসম)

                     ছাত্ৰী, বাণিজ্য শাখা

                           চতুৰ্থ ষান্মাসিক 

                      লংকা মহাবিদ্যালয়

                        পিন ন‍ং-৭৮২৪৪২