অনুগল্প,প্ৰগতি গগৈ চাংমাই,

 অণুগল্প

প্ৰগতি গগৈ চাংমাই,

১)  

        দৰিদ্ৰতা:-

নিজৰ মাক-দেউতাকক এৰি স্বামীৰ ঘৰখনত প্ৰথম খোজ পেলোৱাৰ পিছতেই কাৰোবাক ফোনত স্বামীয়ে কোৱা শুনিলে - "ছোৱালী জনী ভাল কিন্তু দুখীয়া!"

২)

           ধৈৰ্য:-

ফেইচবুকত দিনটো মূৰ গুঁজি থকা পত্নীক সি একো নকয় যদিও হাতৰ মুঠি দুটা লাহে লাহে টান হৈ আহে৷

৩)

              ভাগ্য:-

শহুৰৰ ঘৰখনে দুখীয়া বুলি হঁহা (আগতে) এতিয়া তাইৰ ওচৰতে হাত পাতিব লাগে তাই চাকৰি পোৱাৰ পাছত৷

৪)

মমতা:-

দিনটো কাম কৰি কৰি ভাগৰি পৰে যদিও কণমানিজনীৰ হাঁহিটোৱে তাইৰ হিয়া শাঁত পেলায়৷

৫)

সহ্য:-

শাহুৱেকে তাইৰ চুলিত ধৰি ৱালত মূৰটো খুন্দা মাৰি দিছিল যদিও তাই গিৰীয়েকৰ মৰমতে গিৰীয়েকক বাথৰুমত পিছলি পৰা বুলিহে ক'লে৷