ফাগুন হোৱা তুমি
ফেব্ৰুৱাৰী নহ'বা তুমি,
মই নোৱাৰিম আনৰ দৰে
প্ৰেমৰ দিন উদযাপন কৰিব।
অথবা নোৱাৰিম
কিছুমান মিছা প্ৰতিশ্ৰুতিৰে
তোমাক বান্ধিব।
তুমি ফাগুন হোৱা,
মই পলাশ হৈ তোমাৰ বুকুত ফুলিম।
ফাগুনৰ লঠঙা গছবোৰ হোৱা তুমি,
মই পছোৱা হৈ তোমাৰ সৈতে উমলিম।
সৰা পাতৰ বিননী মই শুনিম
তুমি কুঁহি পাতক আদৰাৰ বাবে
সাজু হ'বা।
আকৌ কৈছোঁ,ফাগুন হোৱা তুমি।
বিভিন্ন কবিৰ হেঁপাহৰ ফাগুন।
ফটো প্ৰেমীসকলৰ ফটোৰ উৎস ফাগুন
আৰু মোৰ হেঁপাহৰ ফাগুন হোৱা তুমি।।
✍️কুকী মহন্ত
