অভিমানী আবেলিটি:
তুমি আহিম বুলি কোৱা
সেই অভিমানী আবেলিটি !
আজিও থমকি ৰয়
সেই আবেলিৰ সময়বোৰ
ভয় আৰু সময়ৰ লগত ঘূৰি থাকে
তুমি আহিম বুলি কোৱা
সেই অভিমানী আবেলিটি ।
ফাগুন ফাগুন লগা
সেই অভিমানী আবেলিটিৰ কথা ভাবিলে
আজিও কপি উঠে মোৰ
শুকান বুকুখনি ।
অভিমানৰ ৰচনা লিখিবলৈ লোৱা
ৰঙা কলমটিত ভৰাই লঁও
সাগৰ নীলা মহি,
সাঁথৰ সাঁথৰ লগা
তোমাৰ সেই কথোপকথনৰ
জোঁট ভাঙিবলৈ চেষ্টা কৰো উৰে ৰাতি ।
তুমি আহিম বুলি কোৱাত
মোৰ মন ফুলনিত ফুলি উঠিছিল
এপাহ - দুপাহ কৰি
এসোপা ৰজনীগন্ধা ।
তুমি আহিম বুলি কোৱা
সেই অভিমানী আবেলিটিৰ
আলহী নহৈ তুমি ভালেই কৰিলা
নহʼলে কেনেকৈ সহ্য কৰিলাহেঁতেন
হাজাৰ সপোন লগত লৈ জীয়াই থকা উদং হৃদয়ৰ লগৰী
মোৰ সেই অবুজ হৃদয়ৰ ভাষাবোৰ ।
✍️ বিৰাজ বল্লভ নাথ
খগা, লখিমপুৰ
No comments:
Post a Comment