তুমি আহিবা
✍️ বিৰাজ বল্লভ নাথ
খগা, লখিমপুৰ
সন্ধিয়াৰ অস্তযোৱা বেলিটি হৈ
আহিব নালাগে তুমি
প্ৰভাতৰ উদয়গামি সুৰুযৰ
হেঙুল কিৰণ হৈ আহিবা
পোহৰাই যাবা
মোৰ হৃদয় বৃন্দাবন ।
শীতৰ সেমেকা পুৱাটিত
তুমি আহিবা
নিয়ৰ সনা দুবৰিৰ
আচলৰ ওপৰেৰে
মোৰ সপোন ৰাজ্যলৈ ;
সিঁচি যাবা মোৰ সপোন ৰাজ্যত
একাজলি পোহৰৰ সমাহাৰ ।
তুমি আহিবা
মোৰ অন্ধকাৰ জীৱনত
সীমাহীন পোহৰ বিলাবলৈ
প্ৰভাতি সুৰুযৰ
এজনী আলোক পক্ষী হৈ ।
No comments:
Post a Comment