মা তুমি মোৰ জীৱন বাটৰ লগৰী
মা তুমি এই মায়াৱী সংসাৰৰ
মোৰ জীৱন বাটৰ লগৰী
মমতাময়ী মা তুমি
মৰম-ভালপোৱা,মমতা
আৰু ধৈৰ্য্যৰ নি:স্বাৰ্থ প্ৰতীক ।
মা তোমাৰ শীতল ছায়াত
ধন্য হয় পৃথিৱীৰ প্ৰত্যেকজন
সন্তানৰ জীৱন।
মা তোমাৰ মিঠা,সুৰীয়া মাত
শুনিলেই যেন পাহৰি যাওঁ
মোৰ সকলো দুখ।
মা তোমাৰ সেই জোনৰ দৰে মুখখনি
মোৰ জীৱনৰ প্ৰতিটো খোজৰ
একমাত্ৰ লগৰী ।
জীৱন যাত্ৰাৰ অবিৰত পথত
মোৰ অসফলতাত যেন
তোমাৰ হাতৰ পৰশত
জীপাল হৈ উঠে মোৰ জীৱন।
যেতিয়া হতাশাত পতিত হওঁ
জীয়াই থকাৰ আশা নোহোৱা হয়
তোমাৰ কোলাত নিদ্ৰাত মগ্ন হ'লেই
মা সকলো হতাশা আঁতৰ হয় ।
মা তুমি সঁচাই অনন্যা
তুমি সচাঁই মমতাময়ী
তুমিয়েই মা মোৰ
জীৱন বাটৰ লগৰী ।
-×-×-×-×-
✍️ শ্ৰী পৰাগ জ্যোতি দাস
একাদশ শ্ৰেণী
ঢকুৱাখনা ,লখিমপুৰ
No comments:
Post a Comment