কুঁৱলী
✍🏻 ৰুম্পী দাস
ভালুকমাৰী ৰাণীপুখুৰী , হোজাই(অসম)
এজাক কুঁৱলীৰ বৰষুণ ,
মোক কেন্দ্ৰ কৰি ...
হৃদয়ত ঠাই বিচাৰি ;
বুকুৰ স্পন্দনৰ বাতৰিত
প্ৰকাশ পাইছে ।
সময়ৰ কাঁইটীয়া যাত্ৰাত ,
চেঁচা কুঁৱলীৰ আবেগে
মোক সাৱটি ...
চুমি ধৰিছে ।
বেলি ডুবো হোৱাৰ
সেই সময়সীমানাত ,
কুঁৱলীৰ আগমন ঘটিছে ।
ৰাতিপুৱা বুলিলে ...
কুঁৱলীৰ সমবেত দৃশ্য ।
গা কপিয়াই
যৌৱনৰ বেলিকাক ,
আত্মবিভোৰ কৰি তুলিছে ।
সময়ৰ সোঁতত
বেলিৰ পোহৰ ,
উপহাৰত দি যায় ।
গোলপীয়া পদুম ফুল
ফুলিছে কুঁৱলীৰ সঙ্গী ,
সেই পানীৰ ঠাইত ।
আঁৰে আঁৰে চাই
মোৰ কাষেদি ,
চলিত থাকে সৰ্বদা ।
নিৰৱ অনুভূতি বিচাৰি ...
শান্তিৰ প্ৰলেপ ,
এধানি হাঁহিৰ ৰঙচুৱা
মুখৰ আকৃতি গঢ়ি যায় ।
বিজুলীক খাঁমুচি ধৰি ,
কুঁৱলীৰ প্ৰেম বাৰ্তাক
চক মকাকৈ উঠুৱাই আনে !
ভালপোৱাৰ স্ৰোতাস্বিনী
সংশয় নথকাকৈ ।
কুঁৱলীৰ মাজতেই
মিলি থকা তোমাক ,
মই খুজিবলৈ
বিভোৰ হৈ পৰিছোঁ ।
তুমি আহিবা জানো ,
পোহৰৰ স্ৰোতত বহি ।।
----------------------------------
No comments:
Post a Comment