পোহৰৰ সন্ধানত ঘূৰি ফুৰিছো
✍️ শিল্পী দাস
ভালুকমাৰী ৰাণীপুখুৰী ,হোজাই
ছাত্ৰী, বাণিজ্য শাখা
চতুৰ্থ ষান্মাসিক
লঙ্কা মহাবিদ্যালয়
পোহৰৰ সন্ধানত ঘূৰি ফুৰিছো মই,
বিচাৰি ফুৰিছো বিভিন্ন ঠাইত।
হাহাকাৰ পৃথিৱীখনত
মই যেন ক্লান্ত,
উন্মুক্ত আকাশত
চৰাইবোৰ যেন শান্ত।
ঘূৰি ফুৰিছো স্কুল-কলেজত
পোহৰৰ সৎ জ্ঞান লাভৰ বাবে।
তথাপিও, পোৱা নাই আজিলৈকে
পোহৰৰ সন্ধান।
বিনাশ কৰিব বিচাৰো
মানুহৰ মনৰ জ্ঞানহীনতা,
সৃষ্টি কৰিব বিচাৰো
মানুহৰ সৎ জ্ঞানৰ মহিমা।
কিন্তু কি কৰিম,
পোৱা নাই এটাও বাট
পোহৰৰ সন্ধানৰ।
মই কেৱল,
পোহৰৰ সন্ধানত ঘূৰি ফুৰিছো।
No comments:
Post a Comment